မွှေလို့ချိုတာပါ

"It is not the sugar it makes the tea sweet, but the stirring." (Sam Levenson) သကြားက လက်ဖက်ရည်ကို ချိုစေတာ မဟုတ်ဘူး။ မွှေလို့ချိုတာပါ။ (ဆမ်လီဘီဆင်) ''ကံကောင်းသူကတော့ပိုပြီး အလုပ်လုပ်ဖြစ်တာပဲ'' အလုပ်ဟာ ကံ၊ ကံဟာ အလုပ်လို့ ကျွန်တော်တို့ခဏခဏ ပြောကြတယ်။ ''အချို့လူတွေဟာချမ်းသာတယ်။မွေးကတည်းက သူတို့လက်ဖက်ရည်ခွက်ထဲမှာ သကြားရှိတယ်။ သူတို့ကတော့မွှေရုံ ပဲ ပေါ့'' နောက်တစ်ယောက်က ပြော တယ်။ ''ကျွန်တော်တို့လို လူ တွေကတော့ မိဘဆင်းရဲတယ်။ လက်ဖက်ရည်ခွက်ထဲကို သကြား ထည့်မပေးထားနိုင်ဘူး'' ''ခင်ဗျား စဉ်းစားကြည့် လေ။ လက်ဖက်ရည်ထဲ သကြား မရှိဘဲ ဘယ်လောက်မွှေမွှေ ချိုမ လာနိုင်ဘူးပေါ့'' သူပြောတာလည်း ဟုတ် ပါတယ်။ ''ဒါဆို သကြား ရှိ၊ မရှိမသိ လို့ မမွှေဘဲ နေရမှာလား'' သူတို့တစ်တွေ ဘာမှ မပြောပါဘူး။ ဒါပေမယ့် အကြာကြီး စဉ်းစားနေတယ်။ ''မိမိ တတ်နိုင်တာလေး ကို လုပ်ရမှာပဲ။ သကြား ရှိ၊ မရှိ စောင့်နေလို့မရဘူး။ တစ်ခုခုလုပ်ရင် အဆင်ပြေမှာပါပဲ'' လို့ ပထမ သူငယ် ချင်းက ပြောတယ်။ ''တကယ်တော့ ကမ္ဘာကြီးဟာ သကြားတွေထည့်ထားတဲ့ လက်ဖက်ရည်ခွက်ကြီးပါ''နောက်တစ်ယောက်ကပြောလိုက်တော့မှ ကျွန်တော်တို့အားလုံး ဒီအယူအဆကို သဘော ပေါက်သွားတယ်။ ''တို့နိုင်ငံမှာ သယံဇာတပေါကြွယ်ဝတယ်။ ဒီတော့ သကြားအများကြီးပါပဲ'' ''ဆမ်လီဘင်ဆင်က ဒါကိုပြောတာဖြစ်မှာပါ။ တို့လူငယ်တွေ မွှေနိုင်မှအလုပ်ဖြစ်မှာ'' စပါးရှိရင် စိုက်မှမျိုးပွားမယ်။ဆန်ရှိရင်ချက်မှ စား ရမယ်။ မြစ်ထဲက ငါးကိုလည်း ဖမ်းမှ ဆိုတာကိုလည်း ပြောဆိုဆွေး နွေးကြတယ်။ ''တို့နိုင်ငံမှာ သယံဇာတတွေပေါတယ်။ ဒါကြောင့်တို့တစ်တွေ ချမ်းသာပြီဆိုပြီးထိုင်နေလို့မရဘူး'' ''တို့တစ်တွေမှာ နည်းပညာတွေ လိုတယ်'' ''ဒါဆိုရင်လည်း သင်ယူ ရမှာပေ့ါ'' သူတို့က ဆိုလိုရင်းကို ပြန်ကောက်တယ်။ ''အေး- လူငယ်တွေရဲ့ အယူအဆ-Conceptsတွေကိုပြင်ရမယ်'' ကျွန်တော် သိပါတယ်။ သူတို့က လက်ဖက်ရည်ဆိုင် အထိုင်များတဲ့ လူငယ်တွေကိုပြောတာပါ။ စာအုပ်တွေအဖတ်နည်းတဲ့လူငယ်တွေကိုပြောတာ။ စာကြည့်တိုက်မရောက်ဖူးသူ လူငယ်တွေကိုပြော တာပါ။ ဒါပေမယ့် ခက်တယ်။ တကယ်တော့ အယူအ ဆ- Concepts ဆိုတာ ဒီအတိုင်း ပြင်လို့မရဘူး။ လူတွေဟာ ခေါင်းမာတယ်။ လူဆိုတာ ဆင်းရဲဒဏ်ကိုခံနိုင်တယ်လေ။ အင်မတန်သည်းညည်းလည်း ခံတတ်တယ်။ကောင်းတယ်ဆိုပေမယ့် မပြောင်းဘူး။ မပြောင်းဘဲပေ ခံတယ်။ အလယ်ခေတ်က အဖြစ်အပျက်တွေကို ပြန်ကြည့်မိတယ်။ ''ဒီနေ့မှာတော့ အဲဒီနိုင်ငံတွေအရှိန်အဟုန် ပြင်းထန်စွာ တိုးတက်နေတာကို တွေ့နေရတယ်'' လူငယ်တွေ တိတ်ဆိတ်နေကြတယ်။ ''တရုတ်၊ ဂျပန်၊ အမေ ရိကန်စတဲ့ နိုင်ငံတွေလား'' တစ်ယောက်က မေးလိုက်တယ်။ ''ဟုတ်ပါတယ်။ ဒီနိုင်ငံတွေ မွှေနိုင်လို့ချိုလာတဲ့ လက်ဖက်ရည်ခွက်တွေပဲ'' လက်ဖက်ရည်ထဲသကြားရှိပေမယ့်မမွှေဘဲချိုမလာဘူး။ မရှိရင်တော့သကြားထည့်ရမှာပေါ့။ကျွန်တော်တို့ကမ္ဘာကြီးမှာသကြားတွေ အများကြီး။ စဉ်းစားပါ။ ဘာမှမလုပ်ဘဲ နေမလား။ မွှေကြည့်မှာလား။ တကယ်တော့ ဇွန်းလည်းတပ်ထားပါတယ်။ ဘာလိုသေးလဲ။ ဒီမိုကရေစီလမ်းကြောင်းသွားနေကြတယ်လေ။ လူငယ်တွေ လက်ဖက်ရည်ကိုမွှေကြည့်မှာလား။ ဒေါက်တာ ခင်မောင်ညို